کیا بی جے پی کو ووٹ دینے والا دائرہ اسلام سے خارج ہے ؟

 کیا بی جے پی کو ووٹ دینے والا دائرہ اسلام سے خارج ہے ؟؟

السلام علیکم ورحمتہ اللہ وبرکاتہ

زید کہتا ہے کہ بی جے پی کو ووٹ دینے والا دائرہ اسلام سے خارج ہے اور بکر کا کہنا ہے کہ دائرہ اسلام سے خارج نہیں بلکہ فاسق ہے۔ کن کی بات درست ہے ؟ از روئے شرع جواب عنایت فرمائیں 

سائل: حبیب الرحمٰن رضوی

کولکاتہ بنگال (18/مئی/2023)

وعلیکم السلام ورحمۃ اللہ وبرکاتہ

الجواب بعون اللہ الوہاب:

بی جے پی کی عزائم جو مسلمان اور اسلام کے خلاف ہے اسکو جانتے ہوئے اور اس نیت سے اگر کوئی اُن کو ووٹ کرے تو وہ دائرہ اسلام سے خارج ہے اور اگر یہ نیت نہیں ہے تو وہ اسلام میں داخل ہے۔ اس لئے زید کا قول درست نہیں اور بکر کا کہنا بہت حد تک صحیح ہے اس لیے کہ مسلمان عموماً اُن کو (بی جے پی کو) ووٹ کرتا ہے تو اُن کی یہ نیت نہیں ہوتی ہے ہاں! یہ ضرور ہے کہ یہ اشد حرام بلکہ مسلمانوں سے غداری ہے۔ اسی طرح کا ایک سوال فتاویٰ شارح بخاری، ج2، ص364-365 میں بھی ہے۔واللہ تعالیٰ اعلم بالصواب

محمد توصیف رضا قادری علیمی

کتبـــــــــــــــــــــــــــــــــــــــــــــــــــہ

19/مئی/2023ء، خادم: الغزالی اکیڈمی و اعلیٰحضرت مشن، کٹیہار (بہار انڈیا) ؛